Құрметті мұғалімдер, оқушылар, ата-аналар және қонақтар!
Бұл заман білекке сенетін емес, білімге сенетін заман. Н.Ә.Назарбаев
Петропавл қаласы «Әбу Досмұхамбетов атындағы облыстық дарынды балаларға мамандандырылған гимназия-интернаты» коммуналдық мемлекеттік мекемесінің сайтына қош келдіңіздер!
Біздің мектеп 1935 жылы қабырғасы қаланғаннан бері жас ұрпақты білім нәрімен сусындатып, ұлттық тәрбие негізінде тәрбиелеп, халыққа қызмет етіп келеді. Мектеп ашылғаннан бастап талай оқушыларымыз білім алып, талай түлектеріміз мектеп қабырғасынан ұшып шығып, қоғамның әр саласында қызмет етіп жүр.
Біздің мектеп сайтымыз арқылы мектеп тарихымен танысып, мектеп ішінде ұйымдастырылып жатқан ата-аналармен жұмыс, тәрбиелік, мерекелік мақсаттағы іс-шаралар мен жаңалықтарды біле аласыздар. Сайтымызға сабақ кестесі, ата-аналарға, оқушыларға, мұғалімдерге, жас мамандарға арналған жадынамалар және қамқорлық кеңестің құрамы, жоспары, гимназия-интернатының келісімшарты, өткізілетін іс шаралардың хабарландырулары, сыныптан тыс өткізілетін дарынды оқушылармен жұмыс жасайтын шеберханалар жұмысы енгізілді.
Біз сіздермен мектеп мұғалімдерінің, оқушыларының байқаудағы, олимпиададағы, спорттағы жетістіктерімен қуана бөлісеміз.
Егер пікір білдіріп, өз тілектеріңіз бен ұсыныстарыңызды білдіргілеріңіз келсе, басшы блогына еніп жолдауларыңызға болады.
Сайтымыздың беттерінен мектебіміз туралы көптеген қызықты, қажетті ақпараттарды және іс-шаралар мен ашық сабақтардың фотосуреттерін де көре аласыздар.